អគ្គស្នងការនគរបាលជាតិ គំរាមដកមេប៉ុស្តិ៍នគរបាលចំនួន៧ ក្នុងខេត្តព្រៃវែង
13-August-2016 | ដោយ មែន កំសត់
ភ្នំពេញ៖ ឯកឧត្តមនាយឧត្តមសេនីយ៍ នេត សាវឿន អគ្គស្នងការនគរបាលជាតិ បានទុកពេល២ខែ ដើម្បីឲ្យប៉ុស្តិ៍នគរបាលរដ្ឋបាលចំនួន៧ ក្នុងខេត្តព្រៃវែង ដែលមានចំណាត់ថ្នាក់ខ្សោយក្នុងការអនុត្តន៍គោលនយោបាយភូមិ-ឃុំ មានសុវត្ថិភាព កែប្រែឥរិយាបទ និងបែបបទធ្វើការ បើមិនដូច្នេះទេនឹងមានការផ្លាស់ប្តូរ។
ការថ្លែងដូច្នេះធ្វើឡើងរបស់ឯកឧត្តមនាយឧត្តមសេនីយ៍ នេត សាវឿន អគ្គស្នងការនគរបាលជាតិក្នុងពិធីសំណេះសំណាលជាមួយកងកម្លាំងនគរបាលប៉ុស្តិ៍រដ្ឋបាលទូទាំងខេត្តព្រៃវែង នៅស្នងការដ្ឋាននគរបាលខេត្តព្រៃវែង កាលពីថ្ងៃទី១១ ខែសីហា ឆ្នាំ២០១៦ ។
នៅក្នុងហ្វេសប៊ុកផ្លូវការរបស់ឯកឧត្តមនាយឧត្តមសេនីយ៍ នេត សាវឿន អគ្គស្នងការនគរបាលជាតិ សរសេរថា ប៉ុស្តិ៍នគរបាលរដ្ឋបាលចំនួន៧ដែលខ្សោយទី១.ប៉ុស្តិ៍នគរបាលរដ្ឋបាលអំពិលក្រៅ, ទី២.ប៉ុស្តិ៍នគរបាលរដ្ឋបាលឫស្សីសាញ់, ទី៣.ប៉ុស្តិ៍នគរបាលរដ្ឋបាលព្រៃខ្លា, ទី៤.ប៉ុស្តិ៍នគរបាលរដ្ឋបាលអង្គរទ្រេត, ទី៥.ប៉ុស្តិ៍នគរបាលរដ្ឋបាលកញ្ជ្រៀច, ទី៦.ប៉ុស្តិ៍នគរបាលរដ្ឋបាលស្មោងខាងត្បូង និងទី៧.ប៉ុស្តិ៍នគរបាលរដ្ឋបាលកំពង់សឹង្ហ។
អគ្គស្នងការនគរបាលជាតិ បន្តថា ប៉ុស្តិ៍នគរបាដ្ឋបាលចំនួន ៧ដែលខ្សោយ ទី១.ការអនុត្តន៍គោលនយោបាយភូមិ-ឃុំមានសុវត្ថិភាព, ទី២.កម្មវិធីការងារអត់ច្បាស់លាស់, ទី៣.ការឆ្លើយតបជាមួយប្រជាពលរដ្ឋមានភាពយឺតយ៉ាវ។
លោកបន្តទៀតថា ប៉ុស្តិ៍នគរបាលរដ្ឋបាលចំនួន ៧ដែលខ្សោយត្រូវរុញពីខ្សោយឲ្យឡើងទៅមធ្យម ទី១.ពង្រឹងការអនុត្តន៍គោលនយោបាយភូមិ-ឃុំមានសុវត្ថិភាព, ទី២.ត្រូវមានកម្មវិធីការងារច្បាស់លាស់, ទី៣.ប្តូរឥរិយាបទទំនាក់ទំនងឆ្លើយតបជាមួយប្រជាពលរដ្ឋ, ទី៤.ពង្រឹងជំនាញនគរបាលប៉ុស្តិ៍។ ជាមួយគ្នានោះ ឯកឧត្តម ក៏បានជំរុញឲ្យស្នងការ និងអធិការស្រុក-ក្រុង បញ្ចុះកម្លាំងរបស់ខ្លួនទៅជួយប៉ុស្តិ៍នគរបាលរដ្ឋបាលណាដែលខ្វះខាតកម្លាំងផងដែរ៕
ចំនួនអ្នកទស្សនា
- ថ្ងៃនេះ601
- ម្សិលមិញ2921
- សប្តាហ៍នេះ10411
- ខែនេះ3531
- ឆ្នាំនេះ339791
- សរុប19567237